ഒളിത്താവളം

നിന്റെ തീക്ഷ്ണമായ നോട്ടത്തിനു എന്നോളം നീളുന്ന വെയിലിന്‍ ചൂടുണ്ട്!! നിന്റെ മൃദുലമായ മൌനത്തിനു ആയിരം വാക്കുകളുടെ വാചാലതയുണ്ട് !! നിന്റെ പ്രൌഡമായ ഭാഷയ്ക്ക്‌--- കവിതയോളം ബിംബങ്ങളുണ്ട് !! ആര്‍ക്കോ,എന്തിനോ, എപ്പോഴോ,എന്നോ ഇണ പിരിഞ്ഞ ജീവിത പാതകള്‍ പിന്നിലാക്കി ഒന്നിനുമല്ലാതെ ഏതിനുമല്ലാതെ നമുക്കൊന്നിക്കുവാന്‍ നിന്‍ മനസിലൊരു ഒളിത്താവളം ഒരുക്കി വയ്ക്കുക !! അവിടെ നമുക്ക് ഒച്ച വയ്ക്കാതെ,മുരടനക്കാതെ, വിങ്ങാതെ,വിതുംബാതെ എന്തിനുമല്ലാതെ ഒളിച്ചിരിക്കാം . .