നെഞ്ചില്‍ അഞ്ചു മുടിയുള്ളവന്‍ നല്ലവനാണ് എന്നും ചതിക്കില്ലാ എന്നും നല്ല സ്നേഹമുള്ളവനാണ് എന്നുമൊക്കെയാണ് നമ്മുടെ ഭൂരി ഭാഗം സ്ത്രീ ജനങ്ങളും പറയുന്നത് ...
എന്താണ് ഇതിന്റെ പുറകിലുള്ള സത്യം ? അപ്പൊ നെഞ്ചില്‍ മുടിയില്ലാത്തവന്മാര്‍ വന്ചകന്മാരും കൊലയാളികളും ആണെന്നാണോ ഇവര്‍ ധരിക്കുന്നത് ? വാസ്തവത്തില്‍ അതല്ല പ്രശ്നം !! പ്രശ്നം അത ന്നെ !! ഏതു തന്നെ !! .......... ലത് തന്നെ !!
ഈയിടെ ഒരു ചെറുപ്പക്കാരന്‍ ചാറ്റില്‍ കുടുങ്ങിയ ഒരു കാമുകിയുമായി സംസാരിച്ചു കൊണ്ടിരുന്നപ്പോള്‍ അവള്‍ ചോദിക്കുകയുണ്ടായി ....
നിന്റെ നെഞ്ചു വിരിഞ്ഞതാണോ ? നിനക്ക് നല്ല പോക്കമുണ്ടോ ? നെഞ്ചില്‍ രോമമുണ്ടോ എന്നൊക്കെ?
സത്യത്തില്‍ കാമുകി ചോദിച്ച ഈ മൂന്നു സംഭവങ്ങളും ടിയാനു ഇല്ലായിരുന്നു ... അയാള്‍ ബുദ്ധി പൂര്‍വ്വം അവളുടെ ചോദ്യങ്ങളില്‍ നിന്നും ഒഴിഞ്ഞു മാറുവാന്‍ കുറച്ചു നേരം മിണ്ടാതിരുന്നു ...
അവള്‍ ചോദിക്കുന്നുണ്ടായിരുന്നു ... എവിടെ പോയി? ... നീ ഓണ്‍ലൈനില്‍ ഉണ്ടോ? ... എന്താ ചെയ്യുന്നേ ? ഞാന്‍ ചോദിച്ചതിനു എന്തെ മറുപടി പറയാത്തെ ?
ഒരു അഞ്ചു മിനിട്ട് കഴിഞ്ഞു അയാള്‍ വീണ്ടും അവളോട്‌ ചാറ്റാന്‍ തുടങ്ങി ... ക്ഷമിക്കണം കേട്ടോ .. എന്റെ സിസ്ടെം ഹാന്‍ഗ് ആയി എന്നൊക്കെ അയാള്‍ ഒഴിവു കഴിവുകള്‍ അവളോട്‌ പറയുവാന്‍ തുടങ്ങി ...
ഇത് അവന്റെ അടവാണ് എന്ന് അറിഞ്ഞ കാമുകി അയാളോട് അയാളുടെ നെഞ്ചു കാണുന്ന വിധത്തില്‍ ഒരു ഫുള്‍ സൈസ് ഫോടോ അയച്ചു കൊടുക്കാന്‍ പറഞ്ഞു ...
താന്‍ വല്യ വെട്ടിലാണ് വീണിരിക്കുന്നത് എന്ന സങ്കടത്തോടെ അയാള്‍ തല പുകഞ്ഞു ആലോചിക്കുവാന്‍ തുടങ്ങി .. ഇപ്പൊ എന്ത് ചെയ്യും? ... അവള്‍ക്കു എങ്ങനെ തന്റെ ഫോട്ടോ അയച്ചു കൊടുക്കും ? നെഞ്ചില്‍ അന്തി ചന്തക്കു ആളും കൂടും പോലെ എണ്ണി എടുത്താല്‍ നാല് രോമം കാണും !! മൂക്കിനു താഴെയും ചുണ്ടിനു താഴെയും അത് തന്നെ അവസ്ഥ !! നല്ല തഴച്ചു വളര്‍ന്നു നില്‍ക്കുന്ന നെല്ചെടികള്‍ക്കിടയില്‍ പശുവിനെ അഴിച്ചു വിട്ട പോലെ !!
അയാള്‍ കുത്തിയിരുന്ന് ആലോചിച്ചു എന്താ ചെയ്യാ ഇപ്പൊ !! ... അപ്പോഴാണ്‌ അയാള്‍ക്ക്‌ ടീവിയില്‍ വരുന്ന പരസ്യം ഓര്‍മ്മ വന്നത് ... അതെ തലയില്‍ കഷണ്ടിക്ക് വക്കുന്നത് പോലെ നെഞ്ചിലും രോമം ഫിറ്റ് ചെയ്യുക തന്നെ !! ഒരു പക്ഷെ ആ കമ്പനിക്കാര്‍ക്ക് പോലും ഇത്തരം ആശയം വീണു കിട്ടി കാണില്ല ഇത് വരെ !! ഓ എന്റെ ബുദ്ധി അപാരം തന്നെ !! എന്നെ സമ്മതിക്കണം !! അയാള്‍ക്ക്‌ തന്നെ കുറിച്ച് ഭയങ്കര മതിപ്പ് തോന്നി ...
അങ്ങനെ അയാള്‍ നെഞ്ചിലും മീശയിലും താടിയിലുമൊക്കെ ലവനെ ഫിറ്റ് ചെയ്തു .. ലേത് ? ലതു തന്നെ !!
ഇപ്പോള്‍ താന്‍ ഒരു സംഭവം ആണെന്ന് അയാള്‍ ഓര്‍ത്തു.ഉടനെ തന്നെ ഷര്‍ട്ടിന്റെ വെളിയില്‍ കൂടി കവിഞ്ഞു തുളുമ്പി നില്‍ക്കുന്ന രോമമുള്ള തന്റെ ഫുള്‍ സൈസ് ഫോട്ടോ എടുത്തു സ്കാന്‍ ചെയ്തു പൊക്കവും ഏകദേശം ആറടി തോന്നുന്ന വിധത്തില്‍ സിസ്ടത്തിലിട്ടു വലിച്ചു നീട്ടി എഡിറ്റു ചെയ്തു അവള്‍ക്കു അയച്ചു കൊടുത്തു... അവള്‍ ആ ഫോട്ടോ കണ്ടു ഭയങ്കര ഇമ്പ്രഷനായി നമ്ര മുഖിയായി എന്നാണു പിന്നീട് അറിയാന്‍ കഴിഞ്ഞത് ..
ഇത് പോലൊരു യുവതി ഡൈവോഴ്സ് കേസ് ഫൈല്‍ ചെയ്തിരുന്നു .. നെഞ്ചില്‍ മുടിയില്ലാത്ത തന്റെ ഭര്‍ത്താവുമൊത്തു ജീവിക്കുവാന്‍ അവള്‍ക്കു കഴിയില്ലത്രേ !! ...സുന്ദരനും സുമുഖനുമായ ആ ചെറുപ്പക്കാരന്റെ ഒരേ ഒരു കുറവ് നെഞ്ചില്‍ അഞ്ചു മുടിയില്ല എന്നുള്ളതാണ് ..
കേസ് കോടതിയില്‍ പരിഗണനയില്‍ വന്നു .. കോടതി രണ്ടു പേരെയും കൌണ്‍സിലിങ്ങിനു വിട്ടു .. അവര്‍ യുവതിയെ പല തരത്തിലും പറഞ്ഞു മനസിലാക്കാന്‍ ശ്രമിച്ചെങ്കിലും യുവതി അംബിലും വില്ലിലും അടുക്കില്ല എന്ന മട്ടിലായിരുന്നു ..
വീണ്ടും അവര്‍ കോടതിയില്‍ ഹാജരായി ... വാദി ഭാഗം വക്കീല്‍ ഭര്‍ത്താവിനോട് പല തരത്തിലുള്ള ചോദ്യങ്ങള്‍ ചോദിച്ചു .. താങ്കളുടെ ഭാര്യയുടെ വാദം ശെരിയാണെന്ന് താങ്കള്‍ക്കു തോന്നുന്നുണ്ടോ ?
ഇല്ല ഒരിക്കലുമില്ല !! ... അവളുടെ രോഗം എനിക്കറിയാം !! .. പക്ഷെ ഞാന്‍ എന്ത് ചെയാനാണ് !! ... ദൈവം എന്നെ നെഞ്ചില്‍ രോമാമില്ലാതെ ജനിപ്പിച്ചു .. അതെന്റെ തെറ്റാണോ ? അയാള്‍ കോടതിയില്‍ തൂക്കിയിട്ടിരിക്കുന്ന ഗാന്ധിജിയുടെ ചിത്രം ചൂണ്ടി കാണിച്ചു കൊണ്ട് ജട്ജിയോടു ചോദിച്ചു ... ഗാന്ധിജിക്ക് നെഞ്ചില്‍ രോമമുണ്ടായിരുന്നോ ? യേശുവിനു നെഞ്ചില്‍ രോമമുണ്ടായിരുന്നോ ? ശ്രീരാമന് നെഞ്ചില്‍ രോമമുണ്ടായിരുന്നോ ? ശ്രീ ബുദ്ധന്റെ നെഞ്ചില്‍ രോമമുണ്ടായിരുന്നോ ? ? എന്തിനു വേറെ ബ്രൂസ്ലീയുടെ നെഞ്ചില്‍ രോമമുണ്ടായിരുന്നോ ? അവരെല്ലാം വഞ്ചകന്മാര്‍ ആയിരുന്നുവോ ? ഇതിനു ഉത്തരം പറയൂ യുവര്‍ ഓണര്‍ !!.. അയാള്‍ ജട്ജിയോടായി ചോദിച്ചു ...
അയാളുടെ ഈ ചോദ്യങ്ങള്‍ കേട്ട് വികാര വിവശനായ ജഡ്ജി എണീറ്റ്‌ നിന്ന് കയ്യടിക്കുവാന്‍ തുടങ്ങി ...
ജഡ്ജിയുടെ ഈ സന്തോഷം കണ്ടു അയാളടക്കം എല്ലാവരും അത്ഭുതപ്പെട്ടു !! ...
നന്നിയുണ്ട് ! .. ഞാന്‍ ഇത്രയും നാള്‍ മനസ്സില്‍ കൊണ്ട് നടന്ന ചോദ്യങ്ങള്‍ക്ക് ഒരു ഉത്തരമാണ് താങ്കള്‍ തന്നത് !! ... ജഡ്ജി ആനന്ദ കണ്ണീര്‍ പൊഴിച്ചു !!...
ഞാന്‍ വിവാഹം കഴിച്ച നാള്‍ മുതല്‍ അനുഭവിച്ചു കൊണ്ടിരിക്കുന്ന അപമാനമാണ് നെഞ്ചില്‍ അഞ്ചു മുടി ഇല്ലാ എന്നുള്ളത് !! .. തന്റെ ഭാര്യയില്‍ നിന്നും കേള്‍ക്കുന്ന കുത്ത് വാക്കുകള്‍ കേട്ട് എത്രയോ രാത്രികളില്‍ അസ്വസ്ഥനായി ഉറങ്ങാതെ ഇരിന്നിട്ടുണ്ട് ... ജഡ്ജി തെല്ലു ദുഖത്തോട്‌ കൂടി പറഞ്ഞു ..
അങ്ങനെ കേസിന് ഒരു പരിഹാരവുമാകാതെ കോടതി കയറി ഇറങ്ങി അയാളുടെ തലയിലെ മുടി കൂടി പൊഴിയുവാന്‍ തുടങ്ങി എന്നാണു അറിയാന്‍ കഴിഞ്ഞത് ...
എന്തായാലും ഇത് വായിക്കുന്ന നെഞ്ചില്‍ അഞ്ചു മുടിയില്ലാത്ത കൂട്ടുകാര്‍ ഇത്രയും നാള്‍ മനസ്സില്‍ കൊണ്ട് നടന്നിരുന്ന ആകുലതക്ക് ഒരു അവസാനമാകട്ടെ ഈ കുറിപ്പ് എന്ന് ആശിച്ചു പോവുകയാണ് .. "നത്തിംഗ് ഈസ് ഇമ്പോസിബിള്‍ ഇന്‍ ദിസ്‌ വേള്‍ഡ്" !! ആയതിനാല്‍ ധൈര്യത്തോടു കൂടി മുന്നോട്ടു നീങ്ങുക !!
No comments:
Post a Comment