ഇന്നില്ലെങ്കില് ഇന്നലെയുമില്ല നാളെയുമില്ല ....
ഇന്നലെ നടന്നു കഴിഞ്ഞതും ഇന്ന് നടന്നു കൊണ്ടിരിക്കുന്നതും നാളെ നടക്കുവാനിരിക്കുന്നതും
പൊലിഞ്ഞു വീണു കൊണ്ടിരിക്കുന്ന സമയത്തിന്റെ വിധി നിയോഗങ്ങളായിരിക്കാം ..
സമയം -
അത് ആര്ക്കും വേണ്ടി കാക്കാതെ ഒരു പരി ഭാവങ്ങളുമില്ലാതെ ഒരിക്കലെങ്കിലും പുറകോട്ടു നോക്കാതെ,
കരയാതെ, ചിരിയ്ക്കാതെ, കണ്ണീരൊഴുക്കാതെ, ദുഖത്തിന് കനലുകള് നെഞ്ചിലോതുക്കാതെ
അനസ്യൂതം സഞ്ചരിച്ചു കൊണ്ടിരിക്കുന്നു. ഇവിടെ നേടുന്നതും, നഷ്ടപ്പെടുത്തുന്നതും
ജനിയ്ക്കുന്നതും, മരിയ്ക്കുന്നതുമെല്ലാം നമ്മള് നിസ്സാരരായ മനുഷ്യര് തന്നെ....
സമയത്തിന് മരണമില്ല ...
അത് ആര്ക്കും സ്വന്തമല്ല ...
കഴിഞ്ഞു പോയ സമയവും പറഞ്ഞു പോയ വാക്കും തിരിച്ചെടുക്കാന് കഴിയില്ല ...
ജീവിച്ചിരിക്കുമ്പോള് നമുക്ക് വീണു കിട്ടുന്ന ചില നല്ല സമയങ്ങളാണ് മുന്നോട്ടുള്ള ജീവിതത്തിനു പ്രതീക്ഷയും ഉണര്വും നല്കുന്നത് ....
ചില സമയങ്ങളില് പ്രതീക്ഷിക്കാത്ത ദുരന്തങ്ങള് നമുക്ക് ജീവിതത്തില് അഭിമുഖീകരിക്കേണ്ടി വരുന്നു ..
ഒരിക്കലും ആഗ്രഹിക്കാത്തതും പ്രതീക്ഷിക്കാത്തതുമായ ദുരന്തങ്ങള് മനുഷ്യ മനസുകളെ തളര്ത്തുന്നു ...
പക്ഷെ അതും സമയത്തിന്റെ മുന്നോട്ടുള്ള യാത്രയില് മായ്ക്കപെടുന്നു ...
നമുക്ക് കഴിഞ്ഞു പോയ ബാല്യവും,കൌമാരവും,കഴിഞ്ഞു കൊണ്ടിരിക്കുന്ന യൌവനവും എല്ലാം തന്നെ സമയത്തിന്റെ മാസ്മരികതയാല് സംഭവിക്കുന്നത് തന്നെ ....
മരണമില്ലാത്ത സമയത്തോടൊപ്പം മരിയ്ക്കെണ്ടാവരായ നമുക്ക് ഒരു സമവായത്തിലെത്താം...
നമ്മുടെ ഓരോ ഹൃദയതുടിപ്പിലും ഓരോ പുതുവര്ഷങ്ങള് പിറക്കട്ടെ ... അത് നന്മയുടെയും സമാധാനത്തിന്റെയുമാകട്ടെ ...
സ്വസ്തി പ്രജാഭ്യം പരിപാലയന്തം ന്യായേന മാര്ഗേന ശുഭാമാസ്തു നിത്യം ലോകാ സമസ്താ സുഖിനോ ഭവന്തു ...
No comments:
Post a Comment