ഡേയ് നീയെവിടേ ടെ ? എന്തായി വല്ലതും തടഞ്ഞോ ?
അണ്ണാ ഞാന് ഇപ്പൊ പാളയം ചന്തക്കടുത്താണ്!
.
നീ ഒരു കാര്യം ചെയ്യ് ഏതെങ്കിലും കെ എസ് ആര് ടീ സീ ബസില് കേറി നോക്ക്.വല്ലതും തടയും ...
ചുറ്റും ഒന്ന് കണ്ണോടിച്ചു നോക്കെടെ ! ഇന്വെസ്ടിഗേറ്റീവ് ജേര്ണലിസം എന്നും പറഞ്ഞു തേരാ പാരാ ഊശാന് താടിയും മുഴിഞ്ഞ സഞ്ചിയുമായി ബീഡിയും വലിച്ചു നടന്നാല് വാര്ത്തകള് കിട്ടൂല !
വാര്ത്തകള് ഇല്ലാങ്കില് ഉണ്ടാക്കി എടുക്കണം അതാണ് മിടുക്ക് ...അല്ലായെങ്കില് ഈ മേഖലയില് തുടരാന് ബുദ്ധിമുട്ടാണ് ..
അണ്ണാ എനിക്ക് ഒന്നും മനസിലാകുന്നില്ല !
നിനക്ക് പോകെ പോകെ മനസിലായി കൊള്ളും ! അതവിടെ നില്ക്കട്ടെ.
വൈകുന്നേരം അഞ്ചു മണിക്ക് മുന്ബെ എന്തെങ്കിലും തപ്പിയെടു !! അല്ലായെങ്കില് നിന്റെയും എന്റെയും ജോലി ... ഗോവിന്ദ .. ഗോവിന്ദാ ..
ശെരി അണ്ണാ ... ഞാന് ശ്രമിക്കാം ..
ഡേയ് ശ്രമിച്ചാല് പറ്റൂല! ... പെട്ടെന്നാവട്ടെ !!
ഇപ്പൊ എന്ത് ചെയ്യും ? പ്രത്യേകിച്ച് ഒരു വാര്ത്തയും ഇല്ലാത്ത നേരത്ത് ..
അഥവാ ഉണ്ടെങ്കില് തന്നെ അതൊക്കെ ആണ് പിള്ളേര് അടിച്ചോണ്ട് പോകും .... ആയിരം ചാനലുകളല്ലയോ ?
രാവിലെ തൊട്ടു വൈകുന്നേരം വരെ വെയിലും കൊണ്ട് നടന്നാല് എന്തെങ്കിലും ചെറിയ വാര്ത്തകള് കിട്ടും .. അത് സന്തോഷത്തോടെ റിപ്പോര്ട്ട് ചെയ്യുമ്പോഴേക്കും അത് അന്ന് വൈകുന്നേരം തന്നെ ഏതെങ്കിലും ചാനല് ന്യൂസില് വന്നിട്ടുണ്ടാകും !!
വീണ്ടും സെല് ഫോണ് ചിലച്ചു .... ഡേയ് പ്രദീപേ എന്തായി ഡേയ് ? വല്ലതും കിട്ടിയോ ?
ഇല്ല അണ്ണാ ! .... നിങ്ങള് ഒന്ന് അടങ്ങിന് ! ... ഞാന് നോക്കട്ടെ ! ... ഡേയ് പെട്ടെന്ന്! ... സമയം പോണു! ....
ഹോ ഇങ്ങേരെ കൊണ്ട് തോറ്റു ... ഞാന് എവിടെ പോകും ഇപ്പൊ ന്യൂസിനു !! പ്രദീപ് പിറു പിറുത്തു ....
പെട്ടെന്നാണ് പട്ടം,ശ്രീകാര്യം കെ എസ ആര് ടീ സീ ബസ് വന്നു നിന്നത് ....
പ്രദീപ് ബസിലേക്ക് ചാടി കയറി ...
ഹോ എന്തൊരു തിരക്ക് ! ....ഹും ഇതൊക്കെ അനുഭവിച്ചല്ലേ പറ്റൂ ക്രിയാത്മകമായ പത്ര പ്രവര്ത്തനത്തിന് ! ...
ടിക്കെറ്റ്,ടിക്കെറ്റ് ... കണ്ടക്ടര് പ്രദീപ്നിനു നേരെ കൈ നീട്ടി ....
ചാനല്! ...ചാനല്! ... എന്തരു ചാനല് ? കണ്ടക്ടര് കണ്ണുരുട്ടി കാണിച്ചു ....
ഹും ! .... പോലീസുകാര്ക്ക് ഒക്കെ ഫ്രീയാണ് ... ചാനലു കാരെ കണ്ടാലേ ലവന്മാര്ക്കു അത്ത ചതുര്ഥി പോലെയാണ് ... പ്രദീപ് പോക്കറ്റില് നിന്നും കാശ് എടുത്തു കണ്ടക്ടര്ക്ക് നേരെ നീട്ടി .. ഒരു പട്ടം ...
വീണ്ടും ഫോണ് ചിലച്ചു ... ഹലോ ....മറു വശത്ത് നിന്നും ഹലോ ... ഡേയ് പ്രദീപേ എന്തായി ?
അണ്ണാ ഒന്ന് ഷെമി അണ്ണാ ! ..
അണ്ണാ ... ഹോള്ഡ് ഓണ് ! ഫോണ് വയ്ക്കല്ലേ !!
ഡേയ് എന്തോന്ന് ? നീ വല്ലതും കണ്ടു പേടിച്ചാ ?
ഇല്ല അണ്ണാ ... ഒരു സംഭവം ഉടനെ ന്യൂസ് ആകും ! ... എന്തുവാടേ ?
അണ്ണാ എന്റെ മുന്പില് ഒരാള് നില്പ്പുണ്ട് ! ... അയാളുടെ കയ്യില് ഒരു ബാഗില് നിറയെ വയറുകള് ! ...
പ്രദീപ് വീണ്ടും അയാളുടെ ബാഗില് ഒളിഞ്ഞു നോക്കി ...
അണ്ണാ കോളടിച്ചു അണ്ണാ !! ... കൂട്ടത്തില് എന്തോ കുറച്ചു ടിന്നുകളും ഇരിപ്പുണ്ട് !! ....
അണ്ണാ ലതു തന്നെ! ... ഇയാള് തീവ്ര വാദിയായിരിക്കും! ...
ബോംബ് ഉണ്ടാക്കാനുള്ള സാമാഗ്രികളായിരിക്കും അതുനുള്ളില്! .... പ്രദീപ് ശബ്ദം താഴ്ത്തി പറഞ്ഞു ....
ഡേയ് ... നീ അയാളെ തന്നെ കവര് ചെയ്തു നില്ല് !! ... ഞങ്ങള് പീ എംജി ജങ്ക്ഷനില് ഉണ്ടായിരിക്കും കൂട്ടത്തില് പോലീസ് സംഘവും കാണും !! നമുക്ക് ഇത് ഇന്ന് വല്ല്യ ന്യൂസ് ആക്കണം ...
ബസ് പീ എംജി ജങ്ക്ഷനില് എത്തിയപ്പോള് പോലീസ് സംഘവും ചാനല് ടീമും കൂടി വളഞ്ഞു ...
പ്രദീപ് ഒരു ജേതാവിനെ പോലെ ബസില് നിന്നും ചാടിയിറങ്ങി ...
പോലീസ് ഓരോരുത്തരെയായി ഇറക്കി പരിശോധിക്കുവാന് തുടങ്ങി ....
ബാഗില് വയറുകളും,ടിന്നുകളുമായി അയാളും ഇറങ്ങി ...
പോലീസ് അയാളെ വട്ടം പിടിച്ചു .ചാനലുകാരും കടന്നലുകളെ പോലെ അയാള്ക്ക് ചുറ്റും കൂടി ...
അയാളുടെ ബാഗിലെ വയറുകളും,ടിന്നുകളും പുറത്തെടുത്തു പോലീസ് യേമാന് അയാളോട് ചോദിച്ചു ... എന്തുവാടെ ഇത് ?
അത് യേമാനേ ഞാന് ഒരു കൊച്ചു കൂര പണിയുകയാണ് !! ... അതില് വയറിംഗ് ചെയ്യാനുള്ള എലെക്ട്രിക്ക് വയറുകളും,അടിക്കാനുള്ള പെയിന്റുകളുമാണ് !! ....
കള്ളം പറയുന്നോടാ പോലീസ് യേമാന് ആ അയാളെ കുനിച്ചു നിര്ത്തി കൂമ്ബിനിടിക്കാന് തുടങ്ങി .... നീ തീവ്ര വാദിയല്ലെടെയ് ...
യേമാനേ ഞാന് തീവ്ര വാദിയല്ല !! ... രമണീടെ മാപ്പള ചെല്ലപ്പനാണ് !! ...എന്റെ വീട് പട്ടത്താണ് ... അയാള് വിറച്ചു കൊണ്ട് പറഞ്ഞു ...
ലവനെ എടുത്തു വണ്ടിയില് ഇടടെയ് ! .... ഏമാന് ആക്രോശിച്ചു ! ....
ചാനലുകാരുടെ ക്യാമറകള് ഈ നാടകങ്ങള് ഒപ്പിയെടുത്തു ലൈവ് ന്യൂസായി പ്രക്ഷേപണം ചെയ്യുന്നുണ്ടായിരുന്നു ...
പ്രദീപ് മുന്തിയ ഇനം ഹൈ ടെക്ക് മൈക്ക് കൈലെടുത്തു ... ക്യാമറയുടെ മുന്പില് ഞെളിഞ്ഞു നിന്നു സംസാരിച്ചു തുടങ്ങി .......
ഇന്ന് പട്ടത്തെക്ക് പൊയ്ക്കൊണ്ടിരിക്കുന്ന കെ എസ് ആര് ടീസി ബസില് ഒരാളുടെ ബാഗില് നിന്നും ബോംബ് നിര്മമിക്കുവാനുള്ള സാമഗ്രികള് കണ്ടെത്തി ....ഇയാള്ക്ക് ഏതോ അന്താരാഷ്ട്ര തീവ്ര വാദ സംഘടനകളുമായി ബന്ധമുണ്ടെന്നു പോലീസ് സംശയിക്കുന്നു ... തിരുവനന്തപുരത്ത് നിന്നും ക്യാമറാമാനോടൊപ്പം ... പ്രദീപ് നരവംശം !! ...
No comments:
Post a Comment