ലോകത്തുള്ള ഒട്ടു മുക്കാല് വസ്തുക്കളും കച്ചവട ചരക്കായി മാറി കൊണ്ടിരിക്കുന്ന ഈയവസരത്തില് മുലപ്പാലും കച്ചവട ചരക്കായി മാറിയിരിക്കുകയാണ്.ലണ്ടന് നഗരത്തിലെ ടോണി എബ്ടന് എന്ന ഇരുപത്തിയാറു കാരിയായ യുവതിയാണ് മുലപ്പാല് വില്പ്പനക്ക് എന്ന പരസ്യവുമായ് ഇന്റര്നെറ്റ് വഴി മുന്നോട്ടു വന്നിരിക്കുന്നത്.ഇവര്ക്ക് ഏകദേശം പത്തോളം സ്ഥിര കസ്ടമര് ഉണ്ടെന്നാണ് ഇവരുടെ വാദം.
ഈ വര്ഷമാദ്യം ടോണി ഒരു ആണ് കുഞ്ഞിനു ജന്മം നല്കിയിരുന്നു.കുഞ്ഞിനു നിറയെ മുലപ്പാല് ഊട്ടിയെങ്കിലും പിന്നെയും കുറെ പാല് മിച്ചം വന്നു.അപ്പോള് ടോണിയുടെ ഒരു പെണ് സുഹൃത്ത് തമാശക്ക് ചോദിച്ചു.ബാക്കി വരുന്ന ഈ മുലപ്പാല് തനിക്കു വിറ്റു കൂടെ എന്ന്.കൂട്ടുകാരി തമാശക്ക് പറഞ്ഞതാണെങ്കിലും ടോണി അത് വളരെ ഗൌരവമായി എടുത്തു ഇന്റര്നെറ്റ് മൂലം പരസ്യം നല്കി.
അത്ഭുതമെന്നു പറയട്ടെ ടോണിയെ ഒരുപാട് ഉപഭോക്താക്കള് കോണ്ടാക്റ്റ് ചെയ്യുവാന് തുടങ്ങി.ഇതില് കൂടുതലും പുരുഷന്മാര് ആണെന്നുള്ളതാണ് ഏറ്റവും രസകരമായ വിഷയം.യുവാക്കള് തൊട്ടു വൃദ്ധന്മാര് വരെ ഇക്കൂട്ടത്തിലുണ്ട്.മുലപ്പാലിന്റെ ഗുണം തന്നെയാണ് ഇതിനു കാരണം.മുറിവുണക്കാനും,പ്രമേഖവും,കാന്സര് മുതലായ രോഗങ്ങള് ചെറുക്കുവാനുമുള്ള ദിവ്യ ഔഷധമാണ് മുലപ്പാല് എന്നുള്ള അറിവായിരിക്കാം ഇത്തരക്കാര്ക്ക് മുലപ്പാലിനോടുള്ള താല്പ്പര്യത്തിനു കാരണം.മുലപ്പാല് നല്ലൊരു ആന്റിബയോട്ടിക് ആണെന്ന് പല പഠനങ്ങളും തെളിയിച്ചിട്ടുണ്ട്.
"അമ്മയുടെ മുലപ്പാല് കുടിച്ചവന് ആണെങ്കില് വാടാ ഒരു കൈ നോക്കാം" എന്ന വീര വാദങ്ങള് ആണുങ്ങളുടെ ഇടയില് നമ്മള് കേള്ക്കുന്നത് ആണല്ലോ....എന്തായാലും മിച്ചം വരുന്ന ഈ മുലപ്പാല് പാക്കറ്റുകളില് ആക്കി മാര്ക്കെറ്റില് എത്തിച്ചാല് സ്ത്രീകള്ക്ക് ഒരു വരുമാനവുമാകും,ആണുങ്ങള് വീരന്മാരും യോദ്ധാക്കളും ആയി തീരും .....നട്ടെല്ല് വളയാതെ ആണുങ്ങള് നിവര്ന്നു നില്ക്കും .... സ്വന്തം അമ്മയില് നിന്നും മുലപ്പാല് വേണ്ട വിധം കിട്ടാത്തവര്ക്കും ഈ സംരഭം ഒരനുഗ്രഹം തന്നെയായിരിക്കും .....എന്തായാലും ഭാവിയില് മുലപ്പാല് ക്ഷീരോല്പ്പാദന സംഘങ്ങള് തുടങ്ങാനും സര്ക്കാരില് നിന്നും ലോണ് കിട്ടാനും സാധ്യതയുണ്ട് ...... അമ്മിഞ്ഞ പാലിന്റെ മാധുര്യം എന്നൊക്കെ വാ തോരാതെ എഴുതുന്ന കവികള്ക്കും ചിന്തകര്ക്കും ഒക്കെ ഇനി പാക്കറ്റ് മുലപ്പാല് കുടിച്ചു കൊണ്ട് ഇനി ഇതൊക്കെ എഴുതുവാന് കഴിയും .... "വിനാശകാലേ വിപരീത ബുദ്ധി" ....
No comments:
Post a Comment